ເມືອງສໍາພັນ ແຂວງຜົ້ງສາລີ
ປາຖະກະຖາ ວັນຊາດ ສສ ຫວຽດນາມ ຄົບຮອບ 81 ປີ ແລະ ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 24 ປີ
ໃນຕອນເຊົ້າຂອງວັນທີ 16 ກັນຍາ 2026 ນີ້, ທາງຄະນະໂຄສະນາອົບຮົມເມືອງສໍາພັນ ໄດ້ຮ່ວມກັບສະຫະພັນນັກຮົບເກົ່າເມືອງ ຈັດພິທີປາຖະ ກະຖາວັນຊາດ ສາທາລະນະລັດ ສັງຄົມນິຍົມຫວຽດນາມ ຄົບຮອບ 81 ປີ ( 2/9/1945-2 /9/ 2026) ແລະ ວັນສ້າງຕັ້ງສະຫະພັນນັກຮົບເກົ່າແຫ່ງ ຊາດລາວ ຄົບຮອບ 24 ປີ ( 9/9/ 2002-9 /9/2026 ) ຂຶ້ນຢ່າງເປັນທາງການ ໂດຍການເຂົ້າຮ່ວມເປັນປະທານຂອງທ່ານ ບຸນຮຽງ ແສນສຸລິນ ຮອງເລຂາພັກເມືອງ, ປະທານອົງການກວດກາພັກ, ອົງການກວດກາລັດ, ຜູ້ຊີ້ນໍາວຽກງານພັກ-ພະນັກງານ, ມີບັນດາກໍາມະການປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ພະນັກງານ-ລັດຖະກອນ ຕະຫຼອດຮອດ 2 ກອງບັນຊາການ ທະຫານ-ຕໍາຫຼວດ ແລະ ລັດວິສາຫະກິດ ອ້ອມຂ້າງເມືອງເຂົ້າຮ່ວມ. 
ໃນພິທີ ທ່ານ ນາງ ສົມວັນ ສູມວິໄລ ກໍາມະການປະຈໍາພັກເມືອງ, ຫົວໜ້າຄະນະໂຄສະນາອົບຮົມເມືອງ ໄດ້ເລົ່າຄືນມູນເຊື້ອວັນຊາດຫວຽດນາມ ເຊິ່ງໄດ້ຍົກໃຫ້ເຫັນຄວາມໝາຍຄວາມສຳຄັນຂອງວັນດັ່ງກ່າວໂດຍຫຍໍ້ ໂດຍສະເພາະໃນໄລຍະການຕໍ່ສູ້ຢຶດອໍານາດການປົກຄອງ, ການຕໍ່ສູ້ຕ້ານພວກລ່າເມືອງຂຶ້ນແບບເກົ່າທີ່ເຂົ້າມາຮຸກຮານຫວຽດນາມ ເຮັດໃຫ້ປະຊາຊົນຫວຽດນາມ ສູນເສຍສິດເປັນເຈົ້າ ບໍ່ມີອິດສະຫຼະພາບຖືກກົດຂີ່ຢ່າງໜັກໜ່ວງ, ປະຊາຊົນຫວຽດນາມ ບໍ່ສາມາດອົດທົນຕໍ່ການກົດຂີ່ຂູດຮີດອັນແສນທໍລະມານ ຈຶ່ງໄດ້ລຸກຂຶ້ນຕໍ່ສູ້ຢ່າງເນື່ອງນິດລຽນຕິດ, ເພື່ອຊີ້ນຳ-ນຳພາ ການຕໍ່ສູ້ຍາດເອົາເອກະລາດ, ພັກກອມມູນິດຫວຽດນາມ ຈຶ່ງໄດ້ຮັບການສ້າງຕັ້ງຂຶ້ນ ຊຶ່ງເປັນບາດລ້ຽວອັນຍິ່ງໃຫຍ່ໃນປະຫວັດສາດຂອງການປະຕິວັດຫວຽດນາມ ນັບຈາກນັ້ນມາຂະບວນການວິວັດແຫ່ງການຕໍ່ສູ້ປົດປ່ອຍຊາດຍາດເອົາອຳນາດການປົກຄອງ ທ້ອນໂຮມປະເທດຊາດເປັນເອກະພາບ ນຳເອົາປະເທດຊາດກ້າວສູ່ສັງກາດແຫ່ງຄວາມເປັນເອກະລາດ ປະກາດສ້າງຕັ້ງ ສາທາລະນະລັດ ປະຊາທິປະໄຕ ຫວຽດນາມ ແລະ ສືບຕໍ່ພາລະກິດຕໍ່ສູ້ປົດປ່ອຍພາກໃຕ້ເພື່ອທ້ອນໂຮມ ປະເທດຊາດໃຫ້ເປັນເອກະພາບ ແລະ ສະຖາປະນາ ສາທາລະນະລັດ ສັງຄົມນິຍົມຫວຽດນາມຂຶ້ນ. ຈາກນັ້ນ; ທ່ານ ພັທ ສົມຈັນ ໄຊສົມບຸນ ປະທານສະຫະພັນນັກຮົບເກົ່າເມືອງ ໄດ້ຫວນຄືນມູນເຊື້ອວັນສ້າງຕັ້ງສະຫະພັນນັກຮົບເກົ່າ ແຫ່ງຊາດລາວ ຄົບຮອບ 24 ປີ ເຊີງໄດ້ຍົກໃຫ້ເຫັນສະພາບແວດລ້ອມການສ້າງຕັ້ງສະຫະພັນນັກຮົບເກົ່າແຫ່ງຊາດລາວ,ຄວາມສຳຄັນ ແລະ ພາວະວິໃສ,ຜົນງານ,ໄຊຊະນະ ແລະ ການເຕີບໃຫຍ່ຂະຫຍາຍຕົວຂອງສະຫະພັນນັກຮົບເກົ່າແຫ່ງຊາດລາວ ແລະ ຂອງສະຫະພັນນັກຮົບເກົາແຂວງຜົ້ງສາລີ ໃນແຕ່ລະໄລຍະ, ຈຸດປະສົງໃນການເລົ່າມູນເຊື້ອຄັ້ງນີ້ກໍ່ເພື່ອໂຄສະນາເຜີຍແຜ່ ແລະ ສືກສາອົບຮົມໃຫ້ສະມະຊິກພັກ, ພະນັກງານ-ລັດຖະກອນ, ສະມະຊິກສະຫະພັນນັກຮົບເກົ່າໄດ້ຮັບຮູ້ ແລະ ເຂົ້າໃຈກ່ຽວກັບປະຫວັດມູນເຊື້ອຄວາມເປັນມາ ແລະ ຜົນງານເພື່ອນຳເອົາມາເປັນບົດຮຽນໃນການປະຕິບັດໜ້າທີ່ວຽກງານຂອງຕົນ.
ໂອກາດທີ່ມີຄວາມໝາຍຄວາມສໍານີ້ທ່ານ ບຸນຮຽງ ແສນສຸລິນ ໄດ້ມີຄໍາເຫັນໂອລົມຕໍ່ພິທີ ຊືງທ່ານໄດ້ເໜັ້ນໃຫ້ຄະນະພັກສືບຕໍ່ເອົາໃຈໃສ່ສຶກສາອົບຮົມວຽກງານການເມືອງ-ແນວຄິດ ໃຫ້ແກ່ສະມາຊິກພັກ,ພະນັກງານນັກຮົບ,ພະນັກງານ-ລັດຖະກອນໃຫ້ເລີກເຊີງທົ່ວເຖີງ,ສຶບຕໍ່ຈັດຕັ້ງການຜັນຂະຫຍາຍນິຕິກໍາ ແລະ ມະຕິ ກອງປະຊູມໃຫຍ່ຄັ້ງທີ 12 ຂອງພັກ.ຄັ້ງທີ 12 ຂອງແຂວງ ແລະ ຄັ້ງທີ 15 ຂອງເມືອງ,ສືບຕໍ່ໃນການຕີລາຄ່າຈັດແບ່ງປະເພດສະມາຊິກພັກ,ໜ່ວຍພັກ ແລະ ປະເມີນວຽກງານລັດຖະອນປະຈໍາປີ 2026 ໃຫ້ສໍາເລັດຕາມຄາດໝາຍທີ່ວາງໄວ.
ຂ່າວໂດຍ: ຄໍາຮຸ່ງ