ເມືອງບຸນໃຕ້ ຈັດພິທີ ປາຖະກະຖາ ແລະ ສະເຫຼີມສະຫຼອງວັນສ້າງກອງທັບປະຊາຊົນລາວ ຄົບຮອບ 75 ປີ
ໃນຕອນເຊົ້າຂອງວັນທີ 16 ມັງກອນ 2024 ນີ້ຢູ່ທີ່ສະໂມສອນຫ້ອງວ່າການເມືອງ ບຸນໃຕ້ ໄດ້ຈັດພິທີ ປາຖະກະຖາ ແລະ ສະເຫຼີມສະຫຼອງວັນສ້າງກອງທັບປະຊາຊົນລາວ ຄົບຮອບ 75 ປີ, ຂື້ນຢ່າງເປັນທາງການນະທີ່ຫ້ອງປະຊຸມສະໂມສອນໃຫ່ຍຂອງຂອງເມືອງບຸນໃຕ້. ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ອ່ອນຄຳ ອິນແສງ ກຳມະການພັກແຂວງ, ເຈົ້າເມືອງ – ເມືອງໃຕ້, ມີບັນດາທ່ານຄະນະປະຈຳພັກເມືອງ, ກຳມະການປະຈຳພັກເມືອງ, ກຳມະການພັກເມືອງ, ຫົວໜ້າ – ຮອງຫົວໜ້າຫ້ອງການ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ, ພະນັກງານບຳນານ, ອຳນວນການໂຮງຮຽນ – ໂຮງໝໍ, ລັດວິຊາຫະກິດ ພະນັກງານ – ລັດຖະກອນ ອ້ອມຂ້າງເມືອງ ເຂົ້າຮ່ວມຮັບຟັງທັງໝົດ 205 ຄົນ, ຍິງ 95 ຄົນ, ສະມາຊິກພັກ 150 ສະຫາຍ, ຍິງ 65 ສະຫາຍ.
ທ່ານ ອ່ອນຄຳ ອິນແສງ ກຳມະການພັກແຂວງ, ເລຂາຄະນະບໍລີຫານງານພັກເມືອງ, ເຈົ້າເມືອງ – ເມືອງບຸນໃຕ້, ໄດ້ປາຖະກະຖາເລົ່າມູນເຊື້ອຄືນ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ( 20 ມັງກອນ 1949 – 20 ມັງກອນ 2024 ), ນັບແຕ່ໄລຍະວັນສ້າງຕັ້ງເຖິ່ງປະຈຸບັນ. ເຊິ່ງທ່ານໄດ້ກ່າວ: ຊາດລາວແມ່ນຊາດມີປຫວັດສາດອັນຍາວນານນັບຫຼາຍພັນປີ , ປະຊາຊົນລາວມີນ້ຳໃຈຮັກຊາດອັນດູດດື່ມ, ມີຄວາມສາມັກຄີເປັນປຶກແຜ່ນ, ມີຄວາມດຸໝັ່ນຂະຍັນພຽນ ແລະ ມີມູນເຊື້ອພີລະອາດຫານຕໍ່ສູ້ບໍ່ຍ່ອມຈຳນົນຕໍ່ສັດຕູ, ໃນສະຕະວັດທີ 19 ຫາ ສັດຕະວັດທີ 20 ພວກລ່າເມືອງຂື້ນຝຣັ່ງ ໄດ້ເຂົ້າມາຮຸກຮານ ແລະ ຍຶດຄອງປະເທດ 2 ຄັ້ງ, ຄັ້ງທີໜຶ່ງ ປີ 1893 – 1945, ຄັ້ງທີສອງ ແຕ່ປີ 1946 – 1954 ຕະຫຼວດໄລຍະຝຣັ່ງປົກຄອງປະຊາຊົນບັນດາເຜົ່າສຸດທີ່ລຳບາກ, ບໍ່ມີສິດເສລີພາບ, ໄປກວ່ານັ້ນຍັງປະເຊີນກັບໄພອຶດຫິວ, ກຶກໜັງສື, ພະຍາດເກີດຂື້ນຢ່າງໜັກໜ່ວງ, ຍ້ອນທັນຕໍ່ການຂຸຂີ້ຂຸດຮິດຂອງພວກຈັກກະພັດຫຼາຍປະຊາຊົນບັນດາເຜົ່າຈຶ່ງລຸກຂື້ນຕໍ່ສູ້ຢູ່ຫຼາຍແຫ່ງ, ເດັ່ນກ່າວໝູ່ແມ່ນການຕໍ່ພໍ່ກະດວດອົງແກ້ວ-ອົງມະດຳ, ເຈົ້າຝ້າເມືອງສິງ, ເຈົ້າຝ້າປັດໃຈ ແລະ ອື່ນໆ
ຕອນທ້າຍຂອງພິທີຍັງໄດ້ມອບຂອງຂວັນໃຫ້ບັນດາສະຫາຍນາຍ ແລະ ພັນທະຫານ, ອາດິດພະນັກງານການນຳບຳນານ ແລະ ພົນທະຫານ, ເນື້ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ມອບລາງວັນປະເພດກິລາແຕ່ລະປະເພດ ແລະ ວັນນະຄະດີ ຕາມລະດັບ ເປັນກຽດກ່າວມອບ ໂດຍບັນດາທ່ານການນຳເມືອງຕາມລຳດັບ.
ໃນພິທີ ທີ່ມີຄວາມໝາຍຄວາມສຳຄັນໃນຄັ້ງນີ້ ອ່ອນຄຳ ອິນແສງ ກຳມະການພັກແຂວງ, ເລຂາຄະນະບໍລີຫານງານພັກເມືອງ, ເຈົ້າເມືອງ – ເມືອງບຸນໃຕ້, ໄດ້ມີທັດສະນະໂອ້ລົມຕໍ່ພິທີປາຖະກະຖາ ດ້ານການເມືອງ – ແນວຄິດ ໃຫ້ພະນັກງານ – ລັດຖະກອນ, ທີມີຄວາມໜາຍຄວາມສຳຄັນ, ເອົາສະພາບຈິງ, ເອົາກົດໝາຍມາເປັນບ່ອນອີງ, ເພີ່ມທະວີສ້າງຄວາມສາມັກຄີເປັນເອກະພາບ, ວັນສຳຄັນຂອງພັກ – ຂອງຊາດ ໃຫ້ເຂັ້ມແຂງຮັ່ງມີ.
ຂ່າວ:ໂຕນ ມະນີວົງ
